حبكم وسط الحشا سـادي
لو جبل ما اتحمّلـه كلّـه
ويل منهو مثلـه افـوادي
كان طول الوقت قد حلّـه
جيت مثل الشمس متبادي
يا شفا روحي من العلـه
روف بي يا غض لانْهادي
وارحم اللي منك في علـه
ياعجيد اريـوم لبـلادي
يا سفر هذا الوطـن كلّـه
الجدم لي نـش متهـادي
مثل بزغ الحيب في حلـه
آه يا مـن بـدَّه اسْهـادي
مر ليلـه ماغضـى كلـه
يا حمد عوقي أنـا زادي
نشف ريجي الما شي ايبله
ثيبني يا نسـل الأجوادِ
لا يفوت العمر بـي كلـه