Tag Archives: mehad

آه يا من ون معتلي                   وأرق النايم بوناته

العنا في ضامره حلي                ويسامر الجمري بسهراته

صار تالي الليل متخلي به            ويسمع شادي أصواته

لا ولا له غيره مسلي                 يشتكي ويهل عبراته

السبب من ريم مفلي                  مرتعه في روض غاباته

بو هدابن سمر ومظلي               عالمتن خرن جديلاته

دهن عود ونرجس وفلي              ينزحابه حزت اوقاته

يا نسيم الريف المطلي                لي هبوبك زين لفحاته

في طريقك خذ وصات اللي            بلغه والرد لي هاته

يا نسيم وذا وصف خلي              كالمها لي عاد لفتاته

زاهين لو ما لبس دلي                بالحسن سيد جليساته

ان لفيت بخبرن يسلي                من هموا بزكا تحياته

كن عيد الفطر اللي هلي             عقب صوم وشفت روياته

وينجلي من الصدر ضيق اللي       والفرح لي رز راياته

والوداد تمركز وحلي                 نازل بجيشه وقواته

وانا له معلن بسلم اللي               يا نسيم زين لفحاته

يعلي اسجي داره البلي               لي هدا النايم بغفلاته

من فضل لي خالق الكل             لي جزيلن في عطاياته